Узгадваем людзей, якія сышлі ад нас у 2020

| Асобы

2020 год запомніцца беларусам перадусім пандэміяй кавіду, маштабнымі і працяглымі масавымі пратэстамі супраць фальсіфікацыі выбараў і гвалту сілавікоў. На фоне драматычных падзей мы не заўжды паспявалі адсочваць лёсы людзей, якія цягам свайго жыцця, а часта і яго цаной, набліжалі дэмакратычныя перамены. “Флагшток” згадвае вядомых жыхароў нашага гораду, якія адышлі ад нас у 2020 годзе. Вечная памяць годным грамадзянам! 


Фота: gs.by

У канцы траўня сумная навіна прыйшла з Хальча Веткаўскага раёна. На 85-м годзе жыцця не стала старажыла і калекцыянера рарытэтных гармонікаў Емяльяна Бабкова



Сэрца 25-гадовага гомельца Аляксандра Віхора перастала біцца 12 жніўня. Ён стаў другой афіцыйна прызнанай ахвярай паслявыбарчых пратэстаў. Памёр маладзён пры няясных абставінах пасля затрымання супрацоўнікамі АМАП і знаходжання ў РАУС Чыгуначнага раёна Гомеля. У заключэнні аб смерці, якое перадалі родным, напісана: “Прычыны смерці высвятляюцца”.



У жніўні не стала дысідэнта, фатографа і філосафа Яўгена Ткача. Дзякуючы гэтаму старажылу гомельцы захавалі цэлы пласт памяці пра даваенны і паваенны горад над Сожам. Факты з ягонай пакручастай біяграфіі адлюстраваныяў рэпартажы Марыі Булавінскай “Над сістэмай”



20 кастрычніка памёр палітык, грамадскі дзеяч, навуковец і журналіст Юрый Варонежцаў. У апошнія тыдні жыцця ён праходзіў курс хіміятэрапіі. Юры Варонежцаў уваходзіў у склад аргкамітэта руху «Навукоўцы за бяз’ядравую Беларусь», выступаў супраць будаўніцтва АЭС у Беларусі. Ён з’яўляўся аўтарам больш за 30 вынаходніцтваў, двух манаграфій, законапраекту «Аб экалагічнай бяспецы грамадзян». У канцц 1980-х-пачатку 1990-х Юрый Варонежцаў спрычыніўся да фармавання дэмакратычнага руху ў Гомелі і ў былым СССР. 



26 кастрычніка на 66 годзе жыцця памёр актывіст дэмакратычных сілаў Яўген Казлоў. Гомельскі палітык і грамадскі дзеяч Уладзімір Кацора на сваёй старонцы ў сацыяльнай сетцы Фэйсбук згадваў: “Сышоў в вечнасць вельмі сціплы па жыцці і вельмі надзейны ў справах Яўген Казлоў. З Яўгенам мяне звязвала праца на Гомсельмашы ў 1980-я — 1990-я гг. Тады ж, напрыканцы 1980-х, з т.зв. Перабудовай разам змагаліся ў Дэмплатформе КПСС за дэмакратычныя перамены, потым стваралі Аб'яднаную дэмакратычную партыю — АДПБ (з 1995 — АГП), шэраг гомельскіх дэмакратычных структур)”.


Фота: архіў Уладзіміра Кацоры

Флагшток

«Спасибо Родине за волшебный пендель». Программист из Гомеля о прессинге и переезде

| Асобы

Семья гомельчанина Вадима Копиченко в Беларуси не живёт уже почти как полгода. После избиений, «суток», допросов и пристального внимания со стороны милиции, с сожалением пришлось собрать чемоданы и, возможно, навсегда оставить родной город. Назад пока нельзя. Да и захочется ли потом?

Многодетная мать рассказала, как смогла скрыться от ГУБОПиКа. Ее друзья по выборной кампании сейчас в тюрьме

| Асобы

Несколько дней назад в сети появилась информация, что гомельской активистке Елене Давыдовой пришлось уехать из страны. Она поделилась с Гомельской Весной о том, как ее преследовали силовики и почему была вынуждена выехать в Украину.

«Адчула сябе важнай і патрэбнай». Як ГУБАЗіК затрымаў псіхолага — «адміністратарку дэструктыўнага тэлеграм-чату»

| Асобы

МУС заявіла, што ў Гомелі затрымалі «адміністратарку дэструктыўнага тэлеграм-чату». На відэа ГУБАЗіК — 38-гадовая жанчына, якая спакойна адказвае на пытанні пра Telegram: «Навошта вам мая асабістая інфармацыя? Гэта маё прыватнае жыццё».

Топ-5 песень блогера-самародка з Рудабелкі

| Асобы

Прайшло 40 дзён як пайшоў ад нас Васіль Качэня — зорка Акцябрскага раёна Гомельскай вобласці. 2 лютага цела Васіля было знойдзена на ягонай кватэры ў вёсцы Шкава. Ягоная смерць не мела крымінальнага характару.