Гомельскую мастачку Марысю Тульжанкову палохаюць крымінальнай справай

| Выбары 2020

Вядомая ў Гомелі мастачка і актывістка Марыся Тульжанкова дастаўленая ў абласную ўправу Следчага Камітэту. Дзяўчыне інкрымінуюць арганізацыю масавых беспарадкаў (частка 1 артыкула 342 КК). Паводле праваабаронцы Леаніда Судаленкі, цягам дня ў кватэры гамяльчанкі быў праведзены ператрус з канфіскацыяй ноўтбука і мабільнага тэлефона. “Марыся паспела паведаміць, што яе павязуць у ізалятар часовага ўтрымання”, — інфармуе праваабаронца.  


У апошні год Марыся Тульжанкова вучылася ў адным з універсітэтаў Польшчы. Калі ў Беларусі распачаліся пратэсты супраць фальсіфікацыі выбараў, яна вярнулася на радзіму. 28 жніўня дзяўчыну ўжо затрымлівалі міліцыянты ў 17-м мікрараёне за тое, што падчас акцыі яна трымала ў руках шарык.  


Флагшток