Раённыя ўлады Лельчыцкага раёна адправілі бюджэтнікаў і навучэнцаў выконваюць некваліфікаваныя працы ў калгасы. Абавязковыя працы чыноўнікі называюць санітарнымі дням ці суботнікамі. Флагшток сабраў фота, каб пабачыць, як выглядае трудавая павіннасць ў сучаснай Беларусі.
На малочнай ферме Тонежскага сельсавета ў Іванаўскай Слабадзе ляснікоў прымусілі разбіраць кармавыя сталы для ската і перакрываць дах сарая.
Работнікі дома культуры і фельдшарска-акушэрскага пункту вымушаныя былі бяліць каліоры і так званую «ленкомнату», фарбавалі, касілі бур'ян і кустоўе (Флагшток не ведае, навошта ў сяльгаспрадпрыемстве ў 2022 годзе патрэбна «ленінская комната»).
Педагогаў і работнікаў культуры Стадолічскага сельсавета прымусілі працаваць на малочнай ферме калгасу «Шлях Ільіча». Там яны чысцілі кароўнік ад гною.
У калгас «Новая Ніва» раённыя ўлады накіравалі персанал і навучэнцаў Лельчыцкага прафесійнага ліцэю. Яны вялі няроўны бой з бур'янам і рамантавалі агароджу.
Старажытная практыка прымусовага труда на карысць феадала праіснавала стагоддзі ў феадальным грамадстве і знікла з-за неэфектыўнасці. У 21 стагоддзі ў Беларусі такія працы арганізоўваюцца дзеля падтрымкі сельскагаспадарчых арганізацый, якія знаходзяцца ў дзяржаўнай уласнасці.