У Шчокатаўскім лесе пад Гомелем знойдзены парэшткі больш за 800 расстраляных чалавек
Аб гэтым стала вядома падчас сустрэчы пракурора вобласці Віктара Марозава з калектывам КЖУП «Веткаўскае». Справаздачу з сустрэчы апублікаваў тг-канал Гомельскага аблвыка
| Тэлеграм
У Шчокатаўскім лесе пад Гомелем знойдзены парэшткі больш за 800 расстраляных чалавек
Аб гэтым стала вядома падчас сустрэчы пракурора вобласці Віктара Марозава з калектывам КЖУП «Веткаўскае». Справаздачу з сустрэчы апублікаваў тг-канал Гомельскага аблвыканкама.
Раскопкі ў лесе пад Гомелем вядуцца з 2021 года 52 пошукавым батальёнам. Улады заяўляюць, што ў лесе расстрэльвалі савецкіх грамадзянаў нацысты падчас акупацыі. Пры гэтым у 1995 годзе там жа праводзілі раскопкі прафесійныя археолагі, якія зрабілі заключэнне, што ў лесе спачываюць ахвяры сталінскіх рэпрэсій.
Таксама Марозаў распавёў, што ў Гомельскай вобласці ўстаноўлена 151 неўлічанае месца расстрэлаў грамадзянаў, былі знойдзеныя 102 вёскі, якія не былі адзначаныя ў спісах, як спаленыя нацыстамі. Чаму інфармацыя згубілася пасля вайны і да сёння гэтыя звесткі не былі адкрытыя грамадскасці, пракурор не ўдакладніў. Нагадаем, што ў першыя пасляваенныя дзесяцігоддзі савецкія ўлады праводзілі расследаванні нацысцкіх злачынстваў яшчэ па гарачых слядах.