Затрыманні былых палітзняволеных і іх сваякоў у Беларусі. Што вядома на дадзены момант
Як стала вядома
Радыё Свабода, сёння каля 6-7 раніцы да
Аляксея Раманава прыйшлі супрацоўнікі сілавых структураў і правялі ператрус. Затым Аляксея забралі на допыт у КДБ. Гаворка ішла пра ўдзел былога палітвязня ў «экстрэмісцкім фармаваньні».
Па інфармацыі таго ж СМІ, гэта не адзінае затрыманне ў Гомелі. Прыйшлі таксама да некаторых сваякоў палітвязняў, якія адбываюць пакаранне.
На дадзены момант вядома, што сілавікі сёння затрымалі як мінімум 37 чалавек па ўсёй краіне. Пра гэта
Еўрарадыё паведамілі праваабаронцы
Вясны. Сярод іх — больш за дваццаць сваякоў палітвязняў. У пастановах сілавікоў
фігуруюць артыкулы за фінансаванне і ўдзел у «экстрэмізме».
Zerkalo пісала, што прычынай затрыманняў мог стаць чат, у якім былі сваякі палітзняволеных. Але магілёўскія праваабаронцы на тэлеграм-канале
MAYDAY паведамілі, што ёсць выпадкі, калі спецслужбы забіралі людзей, якія ў чаце не састаялі.
Раней праўладны канал заявіў, што сілавікі атрымалі доступ да «спісу данатараў»
BYSOL. Аднак кіраўнік фонду
Андрэй Стрыжак распавёў
Медыязоне, што сістэма знаходзіцца ў бяспецы.
UPD: Вясна
паведаміла, што некаторыя затрыманні звязаныя з праектам
«INeedHelpBY». Такую інфармацыю казалі самі супрацоўнікі КДБ некаторым затрыманым падчас ператрусаў. Ініцыятыва стала «экстрэмісцкай» па рашэнні КДБ ад 16 студзеня.