У Гомелі — новы працэс па «справе Ціханоўскага». Аднак без ягонага ўдзелу
У Гомельскім абласным судзе сёння зноў разглядаюць справу асуджаных у 2021 годзе палітвязняў
Сяргея Ціханоўскага, Ігара Лосіка, Дзмітрыя Папова, Арцёма Сакава, Міколы Статкевіча, Сяргея Ціханоўскага і Ўладзіміра Цыгановіча.
Але працэс адбываецца без фігурантаў і мае, хутчэй, тэхнічны характар. Паседжанне праходзіць у межах артыкулу 402 Крымінальна-працэсуальнага кодэксу, які закранае «іншыя пытанні, звязаныя з прывядзеннем прысуду, выраку, пастановы ў выкананне».
Як правіла, такія працэсы праводзяць для вырашэння фармальных пытанняў — у прыватнасці, па перадачы ці захоўванні рэчавых доказаў. Напрыклад, калі першапачатковай пастановай было прадугледжана вярнуць рэчы ўладальніку, а той за імі не прыйшоў, трэба ў судовым парадку вырашыць, што з імі рабіць далей.
Таму надзеі даведацца хоць нешта пра Ціханоўскага, Статкевіча — пра якіх няма ніякіх звестак ужо болей за год — ды іншых фігурантаў, на жаль, няма.
t.me/flagshtok