Дзве навіны: харошая і кепская. Рэжысёрка Марыя Булавінская анансавала новы цікавы праект пра Гомельшчыну, але ў яго суаўтара хутка суд у Польшчы
Паведамляе рэжысёрка:
“Вельмі хутка ў сеціве з’явяцца першыя серыі праекта «Байкі старога Палесся». Ён грунтуецца на ўнікальных гісторыях пра беларускую шляхту, якія былі знойдзеныя ў архівах Польшчы і Літвы.
Але сёння хачу распавесці не пра новы праект. У яго суаўтара, вулічнага мастака @street_wind_, у панядзелак у Варшаве адбудзецца суд па справе, звязанай з адной з яго прац (той самай з Іланам Маскам, пра якую шмат пісалі ў пачатку года). Максіму прад’яўлена крымінальнае абвінавачанне ў «порчы маёмасці», пры тым што ўласнік будынку не мае да яго прэтэнзій.
Гэта гісторыя — не толькі пра аднаго чалавека. Яна закранае ўсіх беларусаў Польшчы, а таксама пытанне свабоды творчасці і права на грамадзянскую пазіцыю. Таму, калі будзеце ў Варшаве ў гэты час, прыходзьце падтрымаць Максіма. 15 верасня 9.00, заля 379, Sąd Rejonowy dla Warszawy-Śródmieścia w Warszawie, Wydział V Karny, ul. Marszałkowska 82”.
Таксама Марыя паведаміла, што хутка больш падрабязна распавядзе пра новы праект.
t.me/flagshtok