Сямейную пару з Гомеля асудзілі агулам на 9 гадоў калоніі за «садзейнічанне экстрэмісцкай дзейнасці»
Праваабаронцы Вясны
паведамляюць, што ў Гомельскім абласным судзе 26 лістапада вынеслі прысуд сямейнай пары
Станіславу Мачалаву і
Святлане Якубовіч паводле ч. 2 арт. 361-4 КК (садзейнічанне экстрэмісцкай дзейнасці).
Станіславу прызначылі чатыры гады пазбаўлення волі ў калоніі ва ўмовах строгага рэжыму, Святлане — пяць гадоў пазбаўлення волі ў калоніі ва ўмовах агульнага рэжыму.
Станіслаў — гомельскі актывіст, які працаваў праграмістам. Гэта не першы палітычны суд над гамельчуком. Першы раз мужчыну затрымалі вясною 2021 года і асудзілі паводле двух палітычных артыкулаў на тры гады калоніі. У снежні 2023 года Станіслаў выйшаў на волю цалкам адбыўшы тэрмін, але праз год яго зноў затрымалі па новай крымінальнай справе.
t.me/flagshtok