У Гомелі асудзілі двух чалавек, імаверна, у межах «справы Гаюна». Па інфармацыі Гомельскай Вясны, у Гомельскім абласным судзе вынеслі прысуды двума асобам, якіх абвінавацілі ў «садзейнічанні экстрэмісцкай дзейнасці» паводле арт. 361-4 КК. 34-гадовую жых

| Тэлеграм
У Гомелі асудзілі двух чалавек, імаверна, у межах «справы Гаюна».

Па інфармацыі Гомельскай Вясны, у Гомельскім абласным судзе вынеслі прысуды двума асобам, якіх абвінавацілі ў «садзейнічанні экстрэмісцкай дзейнасці» паводле арт. 361-4 КК.

34-гадовую жыхарку Мазыра, уцякачку з украінскага Лісічанска, Анастасію Кашчыну, асудзілі да зняволення (канкрэтны тэрмін удакладняецца). Яе затрыманне звязваюць з магчымай перадачай інфармацыі пра рух расійскіх войскаў у Мазыры маніторынгаваму каналу, які адсочваў дзейнасць акупацыйных сіл у Беларусі.

30-гадоваму прадпрымальніку з памежнага Камарына Канстанціну Кабурнееву таксама прызначылі пакаранне, звязанае са зняволеннем. Яго справу, паводле наяўных звестак, гэтаксама адносяць да масавых рэпрэсій пасля атрымання спецслужбамі доступу да базы даных карыстальнікаў каналу.

Праваабаронцы адзначаюць, што абодва прысуды, імаверна, з’яўляюцца часткай шырокай хвалі пераследу людзей, якія распаўсюджвалі грамадска значную інфармацыю пра дзеянні расійскай арміі, што супярэчыць праву на свабоду інфармацыі, гарантаванаму міжнароднымі нормамі.

t.me/flagshtok
Ураджэнец Мазыра ўзначаліў адну з наймацнейшых спецслужбаў свету — Масад Раман Гофман афіцыйна зацверджаны на пасаду кіраўніка ізраільскай разведкі «Масад». Пра гэта паведамілі ў канцылярыі прэм’ер-міністра Ізраіля. Будучы генерал нарадзіўся ў 1976 годзе. У 1990 годзе разам з бацькамі рэпатрыяваўся ў Ізраіль. Вучыўся ў школе ў Ашдодзе, а пасля — у ваенным інтэрнаце ў паселішчы Элі. У 1995 годзе быў прызваны ў бранятанкавыя войскі Арміі абароны Ізраіля. Служыў камандзірам узвода і роты, у 2002 годзе ўдзельнічаў у аперацыі «Ахоўная сцяна». Пазней займаў камандныя пасады ў бранятанкавых брыгадах і штабе дывізіі «Гааш». У 2011–2013 гадах камандаваў 75-м батальёнам 7-й бранятанкавай брыгады. З 27 кастрычніка 2022 года ўзначальваў Нацыянальны цэнтр вучэнняў сухапутных войскаў. t.me/flagshtok
| Тэлеграм
Праз пагранпераходы Новыя Ярылавічы — Новая Гута адбыўся велікодны абмен палоннымі З расійскай няволі вярнулі 175 вайскоўцаў і 7 цывільных грамадзян Украіны. Столькі вайсковых і цывільных было перададзена з Украіны ў РФ. Па традыцыі ў украінцаў назіраюцца папяровыя торбы — "пайкі Лукашэнкі". t.me/flagshtok
| Тэлеграм
Адбылося яшчэ два суды за перадачу інфармацыі пра перамяшчэнне расійскай ваеннай тэхнікі на Гомельшчыне 29-гадовы Марк Верашчагін з Брэсцкай вобласці — дальнабойшчык і валанцёр пошукавага атрада «Сімуран», які ўдзельнічаў у дзясятках аперацый. Працаваў у ЗША, пасля вярнуўся і таксаваў у Баранавічах. У пачатку вайны, у 2022 годзе, Марк жыў у Мазыры. Быў затрыманы ў кастрычніку 2025 года і асуджаны паводле арт. 361-4 — атрымаў «хатнюю хімію». У Гомелі па той жа справе асудзілі Кацярыну Дубаўцову — былую супрацоўніцу «Гомсельмаша» і ўдзельніцу выбарчых камісій ад БРСМ. Ёй прызначылі 2,5 года абмежавання волі без накіравання ў ўстанову. t.me/flagshtok
| Тэлеграм
Президент Украины Зеленский заявил, что ремонт украинской части нефтепровода «Дружба», повреждённой в результате российского удара, будет продолжаться до конца весны Это означает, что специалисты ОАО «Гомельтранснефть Дружба» наконец смогут сосредоточиться на идеологических мероприятиях и обслуживании ведомственных агрохозяйств. По оценке Флагштока, нефтепровод утратил около 80% объёмов прокачки нефти с начала февраля 2026 года после остановки южного ответвления. До 2022 года ОАО «Гомельтранснефть Дружба» было одним из наиболее прибыльных предприятий Гомельской области. После начала российского вторжения в Украину была законсервирована часть нефтепрокачивающей инфраструктуры, а работникам урезали заработные платы и социальные гарантии. На видео отчетный ролик предприятия ко "Дню единения". t.me/flagshtok
| Тэлеграм
МНС не спраўляецца з пажарамі на заходнім Палессі — агонь разгарэўся з новай сілай у Пінскім і Столінскім раёнах. Дым ад пажараў пры заходнім ветры расцягнуўся на сотні кіламетраў і 5 красавіка дасягнуў Турава. У кірунку ветру ёсць і плюс: жыхары ўсходняй часткі Гомельшчыны не адчуваюць паху дыму ад пажараў, што бушуюць у прыграніччы паміж Чарнігаўскай і Бранскай абласцямі Украіны і Расіі. Крыніца: worldview.earthdata.nasa. t.me/flagshtok
| Тэлеграм