Праваабаронцы Гомельскай Вясны знайшлі інфармацыю аб трох новых палітзняволеных. Усе яны, імаверна, былі фігурантамі справы Беларускага Гаюна
Міхаіл Вага — 28-гадовы ўраджэнец Гомеля, выпускнік гімназіі № 71 і Беларускага нацыянальнага тэхнічнага ўніверсітэта, дзе вучыўся на факультэце інфармацыйных тэхналогій і робататэхнікі. Ён з’яўляецца стваральнікам стартапу HandEnergy — партатыўнай зараднай прылады для смартфонаў, якая выпрацоўвае электраэнергію праз механічны рух. Пра яго вынаходніцтва ў 2017 годзе пісалі беларускія і замежныя СМІ, у тым ліку галоўная праўладная газета краіны. Міхаіл шмат падарожнічаў і жыў у краінах Еўропы і ЗША. У снежні ён быў затрыманы ў Гомелі; паводле праваабаронцаў, зняволенне мае палітычна матываваны характар і звязана са справай маніторынгавага канала «Беларускі Гаюн».
Андрэй Янковіч — 39-гадовы ІТ-адмысловец з Гомеля, родам з Рэчыцы. У 2008 годзе скончыў Гомельскі дзяржаўны тэхнічны ўніверсітэт імя П. Сухога. Працаваў у міжнароднай кампаніі ISsoft, якая займаецца лічбавай інжынерыяй. Гомельскі абласны суд прызнаў яго вінаватым у «садзейнічанні экстрэмісцкай дзейнасці», аднак сутнасць абвінавачванняў і дакладны прысуд застаюцца невядомымі з-за закрытасці судовага працэсу. Існуе высокая імавернасць, што ягоны пераслед таксама звязаны са справай Telegram-канала «Беларускі Гаюн».
Любоў Рагожкіна — 40-гадовая жыхарка Мазыра, выпускніца Берасцейскага дзяржаўнага тэхнічнага ўніверсітэта па спецыяльнасці «прамысловае і цывільнае будаўніцтва». Яна займаецца выпечкай мастацкіх кандытарскіх вырабаў, у прыватнасці пернікаў, і выхоўвае двух малалетніх дзяцей. Гомельскі абласны суд прызнаў яе вінаватай у садзейнічанні экстрэмісцкай дзейнасці і прысудзіў абмежаванне волі без накіравання ў карную ўстанову. Праваабаронцы лічаць, што пераслед звязаны з рэалізацыяй права на атрыманне і распаўсюд інфармацыі праз канал «Беларускі Гаюн»
Міхаіл Вага — 28-гадовы ўраджэнец Гомеля, выпускнік гімназіі № 71 і Беларускага нацыянальнага тэхнічнага ўніверсітэта, дзе вучыўся на факультэце інфармацыйных тэхналогій і робататэхнікі. Ён з’яўляецца стваральнікам стартапу HandEnergy — партатыўнай зараднай прылады для смартфонаў, якая выпрацоўвае электраэнергію праз механічны рух. Пра яго вынаходніцтва ў 2017 годзе пісалі беларускія і замежныя СМІ, у тым ліку галоўная праўладная газета краіны. Міхаіл шмат падарожнічаў і жыў у краінах Еўропы і ЗША. У снежні ён быў затрыманы ў Гомелі; паводле праваабаронцаў, зняволенне мае палітычна матываваны характар і звязана са справай маніторынгавага канала «Беларускі Гаюн».
Андрэй Янковіч — 39-гадовы ІТ-адмысловец з Гомеля, родам з Рэчыцы. У 2008 годзе скончыў Гомельскі дзяржаўны тэхнічны ўніверсітэт імя П. Сухога. Працаваў у міжнароднай кампаніі ISsoft, якая займаецца лічбавай інжынерыяй. Гомельскі абласны суд прызнаў яго вінаватым у «садзейнічанні экстрэмісцкай дзейнасці», аднак сутнасць абвінавачванняў і дакладны прысуд застаюцца невядомымі з-за закрытасці судовага працэсу. Існуе высокая імавернасць, што ягоны пераслед таксама звязаны са справай Telegram-канала «Беларускі Гаюн».
Любоў Рагожкіна — 40-гадовая жыхарка Мазыра, выпускніца Берасцейскага дзяржаўнага тэхнічнага ўніверсітэта па спецыяльнасці «прамысловае і цывільнае будаўніцтва». Яна займаецца выпечкай мастацкіх кандытарскіх вырабаў, у прыватнасці пернікаў, і выхоўвае двух малалетніх дзяцей. Гомельскі абласны суд прызнаў яе вінаватай у садзейнічанні экстрэмісцкай дзейнасці і прысудзіў абмежаванне волі без накіравання ў карную ўстанову. Праваабаронцы лічаць, што пераслед звязаны з рэалізацыяй права на атрыманне і распаўсюд інфармацыі праз канал «Беларускі Гаюн».
t.me/flagshtok