У Беларусі, верагодна, з’явілася новая справа так званых “рэйкавых партызанаў”
Як
паведамляюць праваабаронцы
Гомельскай Вясны, у Гомельскім абласным судзе асудзілі 65-гадовага жыхара вёскі Лагуны Добрушскага раёна
Сяргея Стасенку.
Мужчыну прызналі вінаватым адразу паводле некалькіх цяжкіх артыкулаў Крымінальнага кодэкса:
замах на акт тэрарызму (ч. 2 арт. 289 КК),
незаконныя дзеянні датычна вогнястрэльнае зброі, боепрыпасаў і выбуховых рэчываў (ч. 4 арт. 295 КК),
наўмыснае прывядзенне ў непрыдатнасць транспартнага сродку ці шляхоў зносінаў (ч. 4 арт. 309 КК),
здраду дзяржаве (ч. 1 арт. 356 КК),
стварэнне экстрэмісцкага фармавання або ўдзел у ім (ч. 3 арт. 361-1 КК).
Паводле сукупнасці абвінавачанняў яму пагражала да 20 гадоў пазбаўлення волі.
Акалічнасці справы пакуль невядомыя, аднак пералік артыкулаў дазваляе меркаваць, што гаворка можа ісці пра намер пашкодзіць чыгуначную інфраструктуру.
t.me/flagshtok