Новыя ўязныя знакі на трасе паміж Лельчыцамі і Мазыром будуць мець надпісы на беларускай мове. Гэта вынікае з абвешчаных тэндараў, якія заўважыў Флагшток.
Фота з дакументацыі тэндару
Паводле гэтых дзяржзакупак, Мазырскі райвыканкам шукаў арганізацыі для вырабу і ўстаноўкі ўязнога знака «Мазырскі раён» з боку Лельчыцкага раёна. На гэта з бюджэту выдаткавалі 16 тысяч рублёў. У дакументацыі заявак размешчаныя эскізы знакаў – у абодвух выпадках надпісы павінны быць па-беларуску: «Мазырскі раён» і «Добрай дарогі».
Фота з дакументацыі тэндару
Адзін са знакаў павінен з'явіцца на трасе ўжо ў траўні, а другі – да канца чэрвеня.
Цяперашнія знакі пры ўездзе ў Мазырскі раён, прынамсі, на некаторых накірунках, мелі надпісы па-расейску.
Адметна, што новыя знакі аформлены не ў таксічнай чырвона-зялёнай расфарбоўцы, а ў колерах герба Мазырскага раёна.