Крымінальная справа ў дачыненні да гомельскай мастачкі Марысі Тульжанковай не заведзеная. Ёй далі 15 сутак (адноўлена)

| Палітыка

Праваабаронца Леанід Судаленка ў каментары сайту “Гомельская Вясна” адзначыў, што, паводле ягонай інфармацыі, крымінальная справа ў дачыненні да вядомай мастачкі і актывісткі Марысі Тульжанковай на гэты момант не заведзеная:  

Зараз Марыя знаходзіцца ў гомельскім ІЧУ, учора там ад яе маці прынялі перадачу.  Па звестках са Следчага Камітэту, крымінальнай справы на яе няма. Учора і сёння да абеду у суд па адміністрацыйнай справе яе не прывозілі. Адвакат гатовы пайсці да яе ў ІЧУ, але ў сувязі з каронавіруснай інфекцыяй да затрыманых па адміністрацыйных справах абаронцаў не пускаюць. Заўтра завяршаецца 72-гадзінны тэрмін затрымання, яе павінны ці адпусціць, ці прад’явіць абвінавачванне. 


Нагадаем, 12 кастрычніка вядомую ў Гомелі мастачку Марысю Тульжанкову даставілі ў абласную ўправу Следчага Камітэту нібыта на падставе заведзенай крымінальнай справы па арганізацыі масавых беспарадкаў (частка 1 артыкула 342 КК). У той жа дзень у кватэры гамяльчанкі быў праведзены ператрус з канфіскацыяй ноўтбука і мабільнага тэлефона. 

У апошні год Марыся Тульжанкова вучылася ў адным з універсітэтаў Польшчы. Калі ў Беларусі распачаліся пратэсты супраць фальсіфікацыі выбараў, яна вярнулася на радзіму. 28 жніўня дзяўчыну ўжо затрымлівалі міліцыянты ў 17-м мікрараёне за тое, што падчас акцыі яна трымала ў руках шарык.  

15 кастрычніка Суд Цэнтральнага раёну (суддзя Восіпава) прысудзіў гомельскай мастачцы Марысі Тульжанковай 15 сутак арышту за ўдзел 30 жніўня ў акцыі пратэсту (арт. 23.34).

Флагшток


«Не имеют права работать в бюджетных организациях». В Гомельском облисполкоме признали политические чистки во время звонка блогера

| Палітыка | 0

Блогер из Октябрьского Андрей Паук разговорил заместителя начальника главного управления культуры Гомельского облисполкома Анастасию Лысенко.

«У властей страх из-за того, что в этих раскопках что-то не так». Прокуратура репрессирует фильм о расстрелах под Гомелем, искажая историческую правду

| Палітыка | 0

Флагшток разобрал манипуляции прокуратуры, взял комментарий у автора ленты и установил, кто причастен к репрессиям в отношении фильма.