Масавая ўсталёўка відэакамер на Савецкай (фотафакт)

| Политика

На вуліцы Савецкай у Гомелі ў аўральным рэжыме ўсталёўваюцца камеры відэаназірання. 



Падпісчыкі “Флагштока” даслалі некалькі фотаздымкаў, на якіх зафіксаваны працэс усталёўкі відэакамер.  



На маё пытанне пра тое, чаму столькі камер усталёўваецца, рабочы “Белтэлекама” адказаў, што мантаж абсталявання з выбарамі і пратэстамі не звязаны, а звязаны з забеспячэннем дарожнай бяпекі, бо на Савецкай шмат дарожна-транспартных здарэнняў”, -- распавёў пра цікавы дыялог з рабочымі наш чытач.  

Трэба адзначыць, што большасць новых камер відэаназірання скіраваныя на пешаходныя зоны. Адпаведна, версія пра назіранне за ДТЗ падаецца малаверагоднай. Акрамя відавочнай мэты кантролю за грамадзянамі, масавая ўсталёўка камер негатыўна адбіваецца на эстэтыцы старой часткі горада. Дзеля падлучэння відэакамер выкарыстоўваеца тоўсты паветраны дрот, які выглядае вельмі неахайна.  


Флагшток



Звыш 2 тысяч палітычных «крыміналак»: у СК распавялі, па якіх прычынах часцей рэпрэсуюць жыхароў Гомельскай вобласці

| Политика | 0

Летась на Гомельшчыне ўзбудзілі 539 палітычна матываваных крымінальных спраў, якія афіцыйна называюць «справамі экстрэмісцкай накіраванасці».