Краязнаўцы знайшлі самыя старыя вулічныя здымкі Гомеля

| Гісторыя

Краязнаўцы супольнасці Пошукі старога Гомеля знайші некалькі здымкаў 1889 года. Аказалася, гэта самыя старыя вядомы фотаздымкі гомельскіх вуліц.




На фотаздымках прадстаўлены фотарэпартаж з перапахавання Івана Паскевіча і ягонай жонкі Елізаветы. Менавіта для гэтага ў Гомель прыехаў фатограф.

Іван Паскевіч нарадзіўся ва ўкраінскай Палтаве і паходзіў з казацкага роду. Дзякуючы ўдзелу ў карных аперацыях у інтарэсах Расійскай імперыі (на Каўказе, у Венгрыі, Польшчы), вайне ў Турэччыне, атрымаў званне фельдмаршала. У 1856 годзе Іван Паскевіч памёр у Польшчы, а ў 1889 годзе парэшткі фельдмаршала і яго жонкі Лізаветы прывезлі ў Гомель для перапахавання ў новапабудаваным склепе за Петрапаўлаўскім саборам на тэрыторыі палацавага комплексу Паскевічаў.

Усяго знойдзена тры фотаздымкі з той цырымоніі.  Краязнаўцы паспрабавалі лакалізаваць гарадскія вуліцы канца 19 стагоддзя, якія зафіксаваныя на фота.

Першы здымак з серыі — «прыбыццё гроба фельдмаршала князя Паскевіча ў Гомель».




На фота людзі ўтварылі калідор на чыгуначнай платформе перад таварным вагонам для вынаса парэшткаў князя і княгіні.

Дакладна прывязаць месца краязнаўцы не змаглі: на пазнейшых здымках пабудова на заднім плане незаўважная, тып ліхтароў на платформе больш нідзе не сустракаецца. Але подпісу можна верыць: прыкладна так выглядала станцыя Гомель 1889 годзе на 16-м годзе існавання.  

На другім здымку натоўп людзей і саркафагі з парэшткамі сярод вуліцы з вясковай забудовай — прыкладна так выглядала вуліца Замкавая ў Гомелі да пачатку будаўнічага буму ў 1890-х гадах. На фота няма звыклых цагляных прыбытковікаў, а драўляныя дамы яшчэ не мелі складанага разьбянога дэкору. 




Лакалізаваць месца ў такіх умовах вельмі складана. На гэтым фота адсутнічаюць простыя арыенціры: не бачна культавых пабудоў і палацу. 

Краязнаўцы з Пошукаў мяркуюць, што на здымку ўсё ж прысутнічае адзін аб'ект, які можа дапамагчы лакалізаваць працэсію — гэта сілуэт капітальнага будынку з вальмавым дахам на заднім плане на фоне дрэваў. Так у 1889 годзе магла выглядаць багадзельня на вуглу Замкавай (пр-т Леніна) – Канатнай (Ірынінскай), якая месцілася на старых праваслаўных могілках.

Колерам на старым здымку пазначаны будынак, які імаверна з'яўляецца багадзельняй.







Трэці здымак з перапахавання Івана Паскевіча краязнаўцы лакалізавалі каля перакрыжавання вуліцы Замкавай (пр-т Леніна) і з Траецкай (Сялянская).



На ранішнім фота працэсія крочыць па шырокай вуліцы з фронтам драўлянай забудовы. На пярэднім плане зялёная зона з лужынай і чатырохканцовы драўляны крыж. На заднім плане ўвагу прыцягвае вуглавы драўляны будынак з вежачкай. За крыжом можна разглядзець дом з мезанінам.


Пережил нацистский лагерь в Гомеле и за это был арестован СМЕРШем. История гомельского подпольщика, который пострадал от нацистов и коммунистов

| Гісторыя | 0

Марк Цалихин был репрессирован за то, что был в немецком плену — за нахождение в фашистском Дулаг-121 его сослали в советский Печорлаг.

«Не гарманіравала з прыгожымі будынкамі на цэнтральнай плошчы». Як гомельскія ўлады зносілі пажарную каланчу аўтарства Шабунеўскага

| Гісторыя | 0

Публікуем працяг матэрыялу аб будынку аўтарства архітэктара — пажарнай каланчы. Артыкул падрыхтаваны паводле матэрыялаў гомельскіх краязнаўцаў.

Будынак, які калісьці ўпрыгожваў цэнтр Гомеля. Сёлета пажарнаму дэпо Шабунеўскага 110 год

| Гісторыя | 0

Пабудова была скончана, відаць, ужо ў цяжкі час Першай сусветнай. Аб гэтым гаворыць тое, што адметная каланча ні разу не патрапіла на дарэвалюцыйныя паштоўку ці фотаздымкі. Было не да таго. У наступным матэрыяле мы распавядзем, чаму савецкія архітэктары пастанавілі знішчыць будынак.